Siglir tar il cuntegn

Header

audio
Nov concept d'hotellaria a Maiavilla
Or da Actualitad dals 28.11.2023. Maletg: Keystone
laschar ir. Durada: 2 minutas 8 Secundas.
cuntegn

Project «Herrschaftlich» In hotel grondischem, scumpartì sur divers lieus

Il project «Herrschaftlich» è sumegliant a «l'albergo diffuso» ch’i dat gia en il Tessin. Uschè in grond hotel, manegià simbolic cun quai ch’i è scumpartì sin divers lieus, duai er dar en la regiun turistica Signuradi / tschintg vitgs.

Yvonne Brigger, la presidenta da l’uniun turistica, declera che quai vul dir in hotel scumparì. I dat in center cun ina recepziun ed in restaurant a Maiavilla. Las abitaziuns u las stanzas èn lura en divers lieus en la regiun.

Nus tschertgain abitaziuns, singulas stanzas, torchels da vin ch’èn abitabels, stallas pitschnas – tge era adina.
Autur: Yvonne Brigger presidenta da l'uniun turistica Signuradi/tschintg vitgs

I na vegn betg construì in nov hotel, mabain vegnan duvradas abitaziuns existentas che stessan uschiglio vidas. La finamira da la regiun tranter Fläsch e Haldenstein è da porscher dapli lieus per pernottar. Numnadamain resta actualmain la gronda part dals giasts mo durant il di.

En futur duain ils giasts er restar sur notg en la regiun. Las emprimas persunas duain gia pernottar la proxima primavaira en «l'albergo diffuso» – quest hotel grondischem, scumpartì en il Signuradi.

Or da l'archiv

video
Vnà – in vitg, in hotel
Or da Cuntrasts dals 04.05.2008.
laschar ir. Durada: 25 minutas 35 Secundas.

RTR actualitad 12:00

Artitgels legids il pli savens