Siglir tar il cuntegn

Header

audio
Bernina Solar: Project redimensiunà
Or da Actualitad dals 11.05.2024. Maletg: RTR
laschar ir. Durada: 3 minutas 54 Secundas.
cuntegn

Project per energia solara Bernina Solar inoltrescha dumonda da construcziun

Cun forza electrica solara per radund 5’000 chasadas l’onn e custs da 40 milliuns francs – è il project da la Bernina Solar SA uss pront per partir. Durant la fasa da planisaziun ha il project stuì vegnir redimensiunà.

Pli pitschen pervi da critica

Causa da la critica davart diversas organisaziuns, sco il WWF, la Pro Natura Grischun è la Bernina Solar SA sa decisa dad empitschnir il project. Era ina critica ch'ils panels solars pudessan donnegiar la lingia da viafier dal Bernina che stat sut protecziun, han promovì ils responsabels da redimensiunar lur project.

Il contract duai valair

La stad passada ha il suveran da Poschiavo decidì per dar a fit il fund sin 2’500 meters sur mar a la Bernina Solar SA. Il fit per il contract munta a 600’000 francs l’onn, era sche la grondezza da l’indriz solar è uss pli pitschen. Tenor ils responsabels da la Bernina Solar SA, vulan els sa tegnair vi da quest contract.

RTR actualitad 07:00

Artitgels legids il pli savens