Las regenzas da Son Gagl e dal Grischun vulan promover idrogen verd. Per il transport vulan els nizzegiar l'anteriura pipeline dad ieli, l'Oleodotto del Reno tranter Genua ed Ingolstadt.
Promover l'idrogen verd possia giugar ina rolla impurtanta per cuntanscher las finamiras d'energia ecologicas, scrivan ils dus chantuns. Cun la pipeline existia gia in'infrastructura tranter il pass dal Spleia e St. Margrethen per transportar idrogen ed electricitad. Ad in inscunter tranter represchentants e represchentantas da las duas regenzas èn ils chantuns sa cunvegnids da coodinar ils ulteriurs scleriments per midar eventualmain l'utilisaziun.
