Sche Vus guardais quest video, udis la musica da l'introducziun e vesais l'ascensur en l'edifizi dal Cussegl grond, alura pudessi bain esser che Vus avais in «Déjà-vu». E propi – igl è bain pussaivel che Vus avais gia ina giada vesì quest quiz en quest format.
RTR ha numnadamain fatg dal 2005 fin il 2007 numerus quiz cun deputads e deputadas en il Cussegl grond. Gia da lez temp eri la regla: Tgi che dat a tschintg dumondas l'endretga resposta survegn in regal da victurs e victuras – da lez temp ina buttiglia vin. La bilantscha era la suandanta:
- 34 viadis cun l'ascensur
- cun 6 deputadas e cun 28 deputads
- 11 han survegnì ina buttiglia vin ed il rest in aschieu
Per l'onn d'elecziuns 2026 ha RTR laschà reviver quest quiz. Tut las candidatas e tut ils candidats per la regenza èn sa participads. Quai èn ils quatter candidats che sesan gia en la regenza: Marcus Caduff, Carmelia Maissen, Martin Bühler e Peter Peyer.
E las tschintg candidatas e candidats che candideschan da nov: Valérie Favre Accola, Aita Zanetti, Nora Saratz Cazin, Maurizio Michael e Reto Bott.
Plus è ina persuna da mintga partida che sesa en il Cussegl grond sa participada al quiz. En tut candideschan 522 persunas per il parlament grischun.
Per tuts ch'han lignà cun ils politichers tge ch'èn las respostas correctas èn qua sutvart da chattar las schliaziuns:
