Cun quai ch'il dumber da scolars e scolaras è creschì en ils ultims onns, è la scola da Malögia surchargiada. La radunanza communala da Bregaglia ha dà glisch verda a dus credits en quest connex.
Cun l’emprim credit da 350’000 francs vul ins laschar elavurar in project per ina nova chasa da scola a Malögia. La chasa da scola existenta duai lura vegnir duvrada per emprimas abitaziuns. Il credit è vegnì approvà cleramain cun 115 vuschs per, 3 vuschs cunter e 17 abstenziuns.
Plinavant han las Bregagliottas e Bregagliots era approvà in credit da 300’000 francs per in container provisoric dasper la scola existenta. Il container duai vegnir duvrà per il proxim onn da scola.
Adattà al tema
Cun in terz credit da 815’000 francs, ch'è vegnì approvà senza cuntravuschs, vul la vischnanca sanar diversas vias communalas ed agriculas quest onn.
