583'440 francs gudogn prevesa la vischnanca da Tujetsch da far l'auter onn – quai tar entradas totalas da 13,8 milliuns. Investiziuns bruttas quintan ils da Tujetsch da far per 5,7 milliuns francs.
La radunanza communala ha approvà tant il preventiv sco er il quint d'investiziuns per l'auter onn. Plinavant ha il suveran da Tujetsch decidì da laschar il pe da taglia tar 95% da la taglia chantunala simpla.