La vischnanca da Tumein fa part da la nova uniun «Patrimoni natiral mundial da l'UNESCO Arena Tectonica Sardona». Quai ha la radunanza communala decis.
Quella uniun remplazza la cuminanza d'interess, ch'era en furma d'ina societad simpla, da las 13 vischnancas che fan part dal territori «Sardona». Tranter quella cuminanza ed ils trais chantuns Glaruna, Grischun e Son Gagl devi ina cunvegna da prestaziun. La cuminanza d'interess vegn uss organisada da nov, sco uniun d'util public. In avantatg da la nova furma giuridica sco uniun saja che las vischnancas na stattan betg pli bun cun las atgnas finanzas, mabain mo pli cun la facultad da l'uniun, scriva la vischnanca da Tumein.
Plinavant ha la radunanza approvà in credit da 4,7 milliuns francs per sanar la chasa da scola. Ed era il preventiv per 2023 è vegnì approvà. Quel quinta cun in minus da radund 600'000 francs. Ils da Tumein laschan era il pe da taglia tar 100% da la taglia chantunala simpla.
Or da l'archiv
