A la radunanza communala da Tumein ha la vischnanca tractà differentas fatschentas e decidì il suandant, sco l'administraziun communala ha communitgà:
- Martin Wieland è reelegì sco president communal per la perioda d'uffizi 2024-2026. Marco Schmid n'è betg pli stà a disposiziun per la suprastanza communala. En quella èn per la proxima perioda Matthias Hilderling, Peter Färber e Bernhard Spadin.
- La concessiun cun las ovras electricas Zervreila n'è betg vegnida prolungada. Quella scroda 2037. Enstagl vul la vischnanca negoziar las cundiziuns da niz da nov. La suprastanza ha uss l'incumbensa d'elavurar novas cundiziuns e preparar l'uschenumnà «Heimfall».
- En pli ha il suveran approvà il preventiv da l’auter onn. Quel prevesa in deficit da bunamain 672'000 francs tar expensas da passa 7 milliuns francs. Il pe da taglia resta tar 100% da la taglia chantunala simpla. Ils custs vegnan tranter auter d'ina renovaziun da las staziuns da bus e la sanaziun da la Quaderstrasse sura.
audio
Per tadlar: las novitads da las 06:00
ord RTR Audio dals 23.11.2023.
laschar ir. Durada: 4 minutas 21 Secundas.