In consorzi da Axpo, Arosa Energia ed IBC Cuira vul realisar l'ovra a la Plessur tranter Litzirüti e Pradapunt, quai ha Axpo Svizra communitgà. L'ovra duai producir mintg'onn 42 uras gigawatt electricitad. Quai correspunda al diever da radund 10'000 chasadas ad onn. Ultra da quai pudessia quest project era eliminar las grondas differenzas da la deflussiun en la Plessur che l'ovra idraulica da Litzirüti chaschunia actualmain anc.
audio
Noel Graber da l'Axpo declera las ponderaziuns dal consorzi
ord RTR Audio dals 06.07.2023.
Maletg: RTR
laschar ir. Durada: 17 Secundas.
Betg ina nova idea
Il project aveva cumenzà gia il 2014 – era però vegnì sistì dals partenaris il 2017. La raschun da lezzas uras eran las perspectivas economicas. Questa situaziun saja ussa però sa meglierada, hai num en la communicaziun.
Legenda:
L'ovra idraulica existenta a Litzirüti.
Axpo
