La vischnanca da Tavau ha fatg l'onn passà in gudogn da var 24 milliuns francs. Quai èn 12 milliuns dapli che budgetà, sco ch'i ha num en la communicaziun. La raschun per quest surpli sajan surtut in toc dapli entradas da taglia però er augments da valur tar immobiglias ed in'auta disciplina tar las expensas.
Il resultat ordvart positiv saja impurtant surtut en vista a la strategia da spazi d'abitar u er a las investiziuns futuras sco il project da generaziuns «per renovar il center dal vitg».
Tschertezza ed attenziun
Ils retgavs da taglia en l’emprim quartal 2023 surpassan gia ils quals dal quartal da l’onn precedent per passa 10%. En l’avegnir èn gronds retgavs vinavant necessaris. Quai en vista al volumen d’investiziuns imminent: Il volumen d’investiziuns vegn a s’augmentar vinavant ils onns che suondan, principalmain pervi da la nova concepziun dal center local a Tavau Vitg u pervi da la sanaziun necessaria en il sectur da l’ospital.
