Recurs giud maisa - Center da sanadad a Claustra po vegnir construì

A Claustra po uss definitivamain vegnir realisà il center da sanadad tar la via da glatsch veglia. Il Tribunal federal ha refusà tut ils recurs cunter il center cun ina pratica da medis ed abitaziuns da seniors, quai communitgescha la vischnanca da Claustra. La vischnanca da Claustra aveva gia dà la lubientscha l'october avant tschintg onns.

Plans

Recurs fin a Losanna

Suenter che la Dretgira administrativa dal Grischun aveva refusà ils recurs cunter la lubientscha da bajegiar, avevan ils recurrents tratg vinavant il cas a Losanna. Quels han per l'ina reclamà che la zona da construcziun na saja betg confurma e per l'autra ch'il contract da dretg da construcziun tranter la vischnanca ed il patrun da construcziun saja nunvalaivel per la parcella. Quai ha il Tribunal federal uss refusà.

Tranter auter è planisada en il center da sanadad ina pratica da medis integrada. La construcziun da quella cumenza il settember.