Cun adattar la spierta da campar vulan las regiuns Alvra e Malögia tranter auter reducir il problem dal campar selvadi. Uss ha la regenza grischuna approvà ils plans directivs regiunals davart ils campadis. La regiun Alvra sto dentant surlavurar ses plan quai che pertutga la vischnanca da Surses.
Il basegn per stgaffir ulteriurs campadis en il territori da Surses saja bain incontestà, scriva la regenza. I haja memia paucs plaz, e la purschida saja per part betg fitg attractiva. In augment da plazs possia er gidar da cuntrafar als problems en connex cun campar selvadi.
Or da vista da la planisaziun dal territori saja dentant necessari d'examinar lieus supplementars. Ed en prima lingia saja i d'augmentar las capacitads dals campadis existents.