La regenza ha approvà il «Program chantunal d'integraziun» per ils onns 2024 fin 2027. Per integrar persunas da l'exteriur en il Grischun èn planisads mintg'onn 960'000 francs. In terz surprendan las vischnancas, dus terz il chantun, quai scriva la regenza en ina communicaziun.
En detagl dovr'ins ils daners per quests posts:
- Curs da lingua
- Furmaziun e lavur: sclerir tge cha las qualificaziuns da las persunas èn ed explitgar il mund da lavur svizzer
- Sustegn per uffants che na pon betg anc ir en la scolina, per exempel per la lingua
- Da promover la convivenza e participaziun en la societad, sco per exempel hobbis e cultura
Il program d'integraziun vegn elavurà per part dal chantun, per part da la Confederaziun. Er persunas ed instituziuns interessadas hajan gì la chaschun d'inoltrar lur ideas, tenor il chantun. Uschia duai dar in program che correspunda a las atgnadads dal Grischun.
audio
Per tadlar: las novitads da las 12:00
ord RTR Audio dals 27.04.2023.
laschar ir. Durada: 5 minutas 36 Secundas.
