Las populaziuns da peschs en il Grischun duain vegnir protegidas anc meglier – la regenza ha approvà novas prescripziuns da pestga. Quellas cumpiglian principalmain adattaziuns areguard il dumber da peschs ch'ins dastga pigliar sco er il tractament dals peschs pigliads.
- Auas currentas: 4 enstagl 6 peschs per di
- Lais: 6 enstagl 10 peschs per di
Uschia dastgan en auas currentas a partir da la stagiun da pestga 2023 da nov vegnir pestgads maximalmain quatter peschs per di ed en lais maximalmain sis peschs per di.
I saja il giavisch dal chantun che la pestga cun pertga vegnia realisada tenor ils princips suprems da la protecziun dals animals. En l'avegnir èsi perquai scumandà da transportar peschs pigliads vivs, cun excepziun da la frilla. E pigliar peschs d'estga dastgan mo pli persunas ch'han in attest davart las enconuschientschas da la pestga.
Ultra da quai datti novs territoris da protecziun e regulaziuns spezialas en ils dus lais «Doggiloch» a Claustra e «Pläviggin» a Küblis.
