Siglir tar il cuntegn

Header

cuntegn

Sanadad publica Cumenzament da l'unda da grippa

Sper la naiv che vegn èn las persunas che starnidan u tussan segns che l’enviern è qua.

En mintga cas ins po discurrer d'in cumenzament d’ina unda da grippa.
Autur: Marina Jamnicki media chantunala GR

Dapli l’entschatta da december creschan las cifras da persunas malsaunas en il Grischun – quai en congual cun la Svizra e cun ils davos onns. Tenor la media chantunala Marina Jamnicki han 25% dals cas registrads in dafraid, 22% han Covid, 12% han il virus da RSV e 7% han l’influenza, pia la grippa «normala».

Tar ils cas d’influenza sajan pertutgads surtut uffants enfin 14 onns, declera Jamnicki. La raschun saja ch'ils geniturs giajan pli spert tar la media u tar il medi cun lur uffants, che quai ch'ina persuna sur 20 onns fetschia quai. Per persunas sur 65 onns pudessi esser privlus, perquai che l’immunitad sa reducescha en la vegliadetgna.

Nus avain ina immunitad main buna encunter ils virus derasads.
Autur: Marina Jamnicki media chantunala GR
audio
Grippa en Grischun: Situaziun actuala
ord Actualitad dals 19.12.2022. Maletg: Keystone
laschar ir. Durada: 3 minutas 38 Secundas.

Il virus da Covid è suenter dus onns pandemia anc adina derasà. Dapi l’entschatta december èn vegnids registrads 104 cas d’influenza, percunter 570 cas da Covid en il Grischun. Virus sumegliants a la grippa curseschian il mument surtut en il Grischun, en il Tessin ed en il Nordvest da la Svizra, sco las novas cifras da l'Uffizi federal da sanadad mussan. Per sa proteger valia vinavant da lavar ils mauns, tegnair la distanza e restar a chasa u purtar la mascrina, sch’ins è malsaun.

RTR novitads 18:00

Artitgels legids il pli savens

Scrollar a sanestra Scrollar a dretga