La Scol'auta spezialisada dal Grischun noda per l'onn 2023 ina perdita da 2,7 milliuns francs. Tenor rapport annual saja questa perdita d'attribuir a damain studentas e students.
I saja l'emprima giada dapi 20 onns che la scola ha fatg ina perdita. La Scol'auta spezialisada dal Grischun haja però pers damain studentas e students che la media dal martgà, uschia vegn scrit. Vitiers saja da sentir in restabiliment. L'atun 2023 haja ella registrà il segund aut dumber d'annunzias. Legraivel saja ch'il cumpart da persunas dal Grischun resta constanta cun 17,6%.
Per auts custs haja er in rinforzament da purschidas d'informatica e tecnologia procurà. Quel haja la regenza grischuna pretendì. Qua dovri ulteriurs meds.
Er sa reducids en ils retgavs or da la perscrutaziun. Il 2022 hai dà passa 300 projects da perscrutaziun a la Scol'auta spezialisada, il 2023 286. Il retgav è ì enavos per 12,7%.
