Siglir tar il cuntegn

Header

audio
Archeologia: Chattà fossas dal temp medieval a Tumein
Or da Actualitad dals 24.01.2024. Maletg: Servetsch archeologic dal Grischun
laschar ir. Durada: 1 minuta 44 Secundas.
cuntegn

Servetsch archeologic Fossas dal temp medieval a Tumein

En connex cun ina construcziun d'ina nova chasa a Tumein èn vegnids chattads skelets d'umans dal temp medieval tempriv. Per salvar quests chats istorics ha il servetsch archeologic dal Grischun cumenzà cun in'exchavaziun.

La cuntrada enturn Tumein è pervi da sia situaziun geografica centrala gia populada dapi plirs milli onns. Perquai vegnan en quest territori fin oz savens fatg chats archeologics. Fin uss è vegnì exchavà en il territori «Rüfi» in pitschen santeri cun 17 skelets. Las exchavaziuns cuzzan anc enturn duas emnas, ed ils archeologs spetgan ch'els chattian en quest lieu anc dapli fossas.

Las posiziuns da las fossas en retschas e la moda da sepultura laschan supponer ils archeologs ch'ils skelets derivan dal temp medieval tempriv. Quai vul dir ch'els èn tranter 1'000 e 1'500 onns vegls. Per ulteriurs scleriments, sco la vegliadetgna exacta ed indicaziuns davart la moda da viver, van ils skelets vinavant tar expertas ed experts a Basilea.

RTR actualitad 07:00

Artitgels legids il pli savens