Siglir tar il cuntegn

Header

cuntegn

Servetschs psichiatrics Tants dis da tgira sco anc mai

83'299 dis da tgira han ils Servetsch psichiatrics dal Grischun PDGR prestà l'onn passà – tants sco anc mai avant. En vista a questa cifra paria paradox che l'instituziun haja fatg ina sperdita il 2022, scrivan ils servetschs psichiatrics en ina communicaziun. La sperdita munta a radund 0,7 milliuns francs tar expensas da var 114 milliuns.

Sco raschun principala menziunescha l'instituziun ils custs da las prestaziuns ambulantas betg curclads. La cuvrida finanziala daventia cun il dumber creschent da prestiaziuns ambulantas adina main suffizienta, scriva PDGR, damai che la structura da tariffa saja antiquada e las taxas memia bassas.

Il 2022 han avert trais centers psichiatrics lur portas, quai a Glion, Tavau ed Engiadina/Grischun dal Sid.

RTR novitads 17:00

Artitgels legids il pli savens