Plirs projects da la citad da Cuira èn bloccads perquai che la determinaziun dal spazi d'auas, prescritta da la lescha federala, n'è anc betg succedida. Uss ha il cussegl da la citad preparà ina revisiun parziala per definir ils spazis d'aua e fixar quels en il plan da las zonas. Exclus sajan plirs spazis d'auas gia tractads cun valur legala a Maladers, Haldenstein, e per lung dal Rain sco er sin in traject da l'Obertorer Mühlbach en il territori da l'Obere Au.
Uss va la fatschenta en il cussegl communal. Probablamain po la populaziun da Cuira vuschar il settember surlonder.
