En il Grischun vala per gronda part anc il stgalim 3 (sin ina scala da 1-5) da privel da lavinas. Quai resulta or da l'update da la carta da privels da l'Institut federal per perscrutaziun da naiv e lavinas. Sulet en il Grischun dal nord è il privel sa sbassà sin stgalim 2.
En il Grischun ha la naiv veglia chaschunà numerusas distatgadas da lavinas. La sonda è stà il di cun las pli bleras lavinas ch'èn stadas chaschunadas da persunas da l’enviern enfin ussa. Tar dus accidents da lavinas la sonda è mintgamai ina persuna morta.
