Las scolas medias en il Grischun survegnan in nov med per l'instrucziun civica. Il med è digital e triling, e stat a disposiziun per il stgalim secundar II. El duai intermediar las enconuschientschas da basa davart il stadi svizzer e grischun e svegliar l'interess per la politica en general. Ils custs per il project muntan a passa 1,7 milliuns francs.
La regenza grischuna ha incumbensà la Scol'auta da pedagogia dal Grischun da realisar il project «Civica». Il med d'instrucziun en trais linguas giaja fitg bain a prà cun il giubileum «500 onns Stadi liber da las Trais Lias» che vegn festivà quest onn, communitgescha la regenza grischuna.