Il rapport annual, ch'il chantun ha preschentà ils 26 da zercladur, mussa svilups allegraivels en tut il Grischun: 26 da 28 mesiras èn lantschadas, ils dus che restan èn en planisaziun. Ils exempels preschentads tanschan dal Mesauc, nua che novs puzs dattan puspè in spazi da viver ad amfibis rars, fin sin il Glaspass, nua ch'ins regenerescha sistematicamain ina palì e simplifitgescha sia cultivaziun.
Nus vesain schon che animals e plantas èn turnadas.
Impressiuns dals projects da biodiversitads
-
Bild 1 von 9. Bildquelle: Peter Grischott.
-
Bild 2 von 9. Bildquelle: Peter Grischott.
-
Bild 3 von 9. Bildquelle: Peter Grischott.
-
Bild 4 von 9. Bildquelle: Peter Grischott.
-
Bild 5 von 9. Bildquelle: Peter Grischott.
-
Bild 6 von 9. Bildquelle: Peter Grischott.
-
Bild 7 von 9. Bildquelle: Peter Grischott.
-
Bild 8 von 9. Bildquelle: Peter Grischott.
-
Bild 9 von 9. Bildquelle: Peter Grischott.
Per exempel vegnan prads sitgs tgirads cun spezias multifaras, u cumbattì cunter spezias da plantas invasivas ed i vegnan semnadas plantas indigenas. Tut quai mussà in effect - pia resultà là, nua ch'i vegn lavurà concretamain.
Nus n'essan betg pli èn la fasa da planisaziun, mabain amez la realisaziun cun projects visibels en diversas regiuns e vischnancas.
Decisiv è tenor il manader dal project, Luis Lietha, quai che stat davos questas cifras: «La tema da producir cun la Strategia da biodiversitad in tigher da palpiri, quai na sa è betg verifitgà.» Per exempel èn 30 manaschis agriculs participads al project da pilot. Tenor Thomas Roffler, il president da l'Uniun purila grischuna sajan blers purs perina sche la communicaziun è transparenta. I dovra dentant anc adina lavur da persvasiun. Ils purs e las puras han numnadamain da tgirar ils prads. E pervia da differents projects han els era da desister da lur surfatschas e per part era da lur raccolta.
Communablamain per il chapital natiral
Decisiva per il success saja la collavuraziun sur secturs ora. Posts spezialisads chantunals, vischnancas, agricultura, turissem, economia e persunas engaschadas al lieu collian lur savida e concentreschan pli e pli lur forzas. Il cusseglier guvernativ, Jon Domenic Parolini, accentuescha l'impurtanza da princip da questa approximaziun: «Biodiversitad è chapital natiral – uschè real sco vias u scolas. Tgi che fa oz quità da quai, garantescha a las proximas generaziuns grischunas la pussaivladad d'ir enturn meglier cun ils effects da la midada dal clima e d'autras midadas.»
Questa perspectiva caracterisescha la «Via grischuna»: Soluziuns vegnan sviluppadas cuminaivlamain, èn vastas e vegnan realisadas datiers da la pratica. Gist il project da pilot da manaschis da biodiversitad en l'agricultura sco er il project cunter l'extirpaziun mussan che la cooperaziun e l'atgna responsabladad èn mesiras centralas.