Siglir tar il cuntegn

Header

cuntegn

Successiun Higa – Grimavera Dapli exposituras, ma damain visitaders che spetgà

L'organisatura da la «Grimavera» ha spetgà dapli. Main che 10'000 persunas èn la fin stadas a l'exposiziun da commerzi, mastergn ed industria tranter ils 22 ed 26 da mars. Uss saja d'analisar ils custs e suenter decider sch'ins veglia anc ina giada far ina exposiziun il 2024. En quest connex duai er dar ina retschertga tar ils expositurs e las exposituras.

La dumonda saja, quantas da questas exposiziuns en il Grischun che fetschian senn, di l'organisatura, la Stadthalle Cuira. Er la furma possian ins discutar anc ina giada. Expositurs ed exposituras hai dà avunda questa giada: La fin èn stads 80, quintà ha l'organisatura cun 70.

Nov format

Pliras novaziuns han spetgà ils osps da l'exposiziun: In grond plaz ordaifer cun pussaivladads da mangiar, in nov plazzament dals radund 70 stans e dapli program d'accumpagnament cun musica e sport. Ils organisaturs han vulì carmalar ils visitaders e visitadras tranter auter cun in referat davart tratga da chauras ed in'aucziun dals objects chattads da la citad.

video
Grimavera: L'exposiziun da commerci ha cumenzà a Cuira
Or da Telesguard dals 22.03.2023.
laschar ir. Durada: 3 minutas 19 Secundas.

RTR actualitad 17:00

Artitgels legids il pli savens