La vischnanca Roveredo cumenza l'auter onn cun ina nova furmaziun. Tar las elecziuns l'october èn vegnids elegids l'advocat Gianpiero Raveglia sco nov president communal, sco era novs commember per la suprastanza e la cumissiun da gestiun. Els accentueschan ch'i veglian ademplir lur responsabladad envers la populaziun da la vischnanca.
Era la regenza è da l'opiniun che las normas e reglas elementaras ch'èn necessarias per ch'ina autoritad politica funcziunia, vegnian ussa resguardadas.
Claudio Lardi duai dar sustegn per in temp limità
Sco agid per il nov start ha la regenza autorisà ses cumissari, l’advocat Claudio Lardi, da sustegnair la nova suprastanza durant in curt temp transitoric en dumondas che pertutgan la gestiun e l’organisaziun communala. El surpiglia la rolla d’in observatur. Il mandat è limità fin la fin da mars.
En la vischnanca da Roveredo hai gia dapi bunamain 10 onns dà dispitas en suprastanza, uschia ch’il chantun ha stuì intervegnir.
