Per colliar Flem cun l'arena tectonica Sardona sto la vischnanca da Flem sa participar cun in quart dals custs. L'emprima etappa duai vegnir realisada da Nagens sin ils Cugns.
Dapi la preschentaziun dal project il december passà n'è betg bler sa midà. La varianta che duai colliar Flem cun l'Arena tectonica Sardona maina direct da Flem a Nagens e da Nagens sin ils Cugns nua ch'il center da visitaders vegn endrizzà.
Ils custs da 80 milliuns francs vegnan repartì sequentamain:
Avrir la boxSerrar la box
20 milliuns vischnanca da Flem
20 milliuns Arena Alva
40 milliuns emprests da bancas e privats
L'emprima etappa da Nagens sin ils Cugns duai vegnir realisada a temp ed esser finida il 2022. La segunda etappa da Flem si Nagens dovra dapli temp per la realisaziun, pervi da las lubientschas da surpassar parts dal vitg da Flem cun la cabina da 150 persunas. Ella duai tenor plan esser a la fin il 2024.