Siglir tar il cuntegn

Header

Navigaziun

Ina chasa auta a l'ur da Glion en ina visualisaziun.
Legenda: L'avegnir a Glion – visualisaziun dal fabricat nov. MAD, Nocasa Management da construcziun SA
cuntegn

Abitar a Glion 43 milliuns per center da seniors – fundaziun «Vita» paja

Il nov center da sanadad cun residenza da senioras e seniors, che duai vegnir realisà a Glion sper l’ospital regiunal, vegn purtà da la fundaziun collectiva «Vita». Quai scriva la fundaziun en ina communicaziun a las medias.

En avegnir sajan dumandadas per las generaziuns pli veglias abitaziuns pajablas cumbinà cun la pussaivladad da survegnir tgira – e precis quai veglia ella porscher a Glion, scriva la fundaziun collectiva Vita en sia communicaziun a las medias.

La fundaziun collectiva Vita

Personen-Box aufklappenPersonen-Box zuklappen

La Vita è ina da las fundaziuns collectivas semiautonomas las pli grondas en Svizra. Ella tgira la facultad dal provediment persunal da 21'000 firmas cun 125'000 segirads.

Semiautonom vul dir che la Vita è responsabla per la facultad e che la Zürich Assicuranza da vita SA segirescha ils ristgs – scriva la Vita en sia communicaziun da medias.

Investiziuns da 43 milliuns ils proxims onns

Questa stad cumenzia la fundaziun collectiva cun construir ina chasa da pliras generaziuns a Glion. La chasa da 11 plauns survegn 61 abitaziuns. En pli vegnan realisadas 16 abitaziuns sin l’areal da l’anteriura claustra dominicana.

Tar il concept dad «abitar assistì» tutgian er servetschs per l'emprim agid. La purschida vegn cumplettada cun praticas da medis, biros e schizunt ina canorta d'uffants.

Termin avisà: l’emprim d’october 2021

La gronda part da las purschidas da prestaziun duai purtar la Spitex Foppa, scriva la fundaziun. Ella veglia dentant er far cooperaziuns localas. Sche tut va tenor plan duajan las abitaziuns esser prontas l’emprim d’october 2021.

RR novitads 12:00