Il manischunz ch'era vegnì grevblessà tar l'accident dad avant in'emna sin la via chantunala a Laax è mort il venderdi, sco la Polizia chantunala communitgescha. Il giuven da 22 onns era vegnì transportà cun grevas blessuras en l'ospital chantunal a Cuira. Là è el mort il venderdi passà, pia radund in'emna suenter l'accident.
Ses dus cunpassagiers, in giuven da 20 ed in da 28 onns eran anc morts al lieu da disgrazia.
