Siglir tar il cuntegn

Header

cuntegn

Accidents Duas collisiuns cun lufs en Surselva

La notg dals 26 sin ils 27 da december èn dus lufs vegnids sut las rodas. Tar Tavanasa è ina luffa giuvna vegnida sut in tren e tranter Trin e Tumein è in'ulteriura luffa vegnida sut in auto en.

La luffa giuvna è naschida quest onn. Ella è vegnida tschiffada enturn las 23:00 uras dal tren e tutga probabel tar il triep da Valgronda. Quel è da chasa en la regiun tranter Glion, la Val Sumvitg e la Lumnezia ed ha gì quest onn l'emprima giada pitschens.

Tar la segunda luffa, ch'è vegnida la medema notg sut in auto, sa tracti il pli probabel d'ina femella da l'onn passà, dal triep dal Calanda. La collisiun è immediat vegnida annunziada. Damai ch'i ha gì be intgins chavels al lieu da l'accident ha il guardiaselvaschina lantschà ina tschertga. L'animal hajan ins lura chattà mort. Omadus lufs vegnan surdads a l'Universitad da Berna per identifitgar els exact.

audio
Dus lufs crappads entras accidents da traffic
ord Novitads dals 30.12.2019.
laschar ir. Durada: 1 minuta 19 Secundas.

Auter cumportament durant l'enviern

Pervi da la naiv en la muntogna èsi il mument da quintar ch'ils lufs tschertgan nutriment en las valladas e datiers da vitgs. Observaziuns duess ins annunziar al guardiaselvaschina.

Ord l'archiv:

video
Il luf è turnà
Or da Cuntrasts dals 24.12.2019.
laschar ir. Durada: 6 minutas 29 Secundas.

RTR novitads 14:00

Artitgels legids il pli savens