Siglir tar il cuntegn

Header

audio
Bunura: Revistas 2019 - Il luf sa derasa e vegn sajettà
Or da Actualitad dals 26.12.2019.
laschar ir. Durada: 03:20 minutas.
cuntegn

Revistas: Il luf Il luf sa derasa e quai cun consequenzas

Ils lufs en il Grischun han procurà per bleras discussiuns durant l'onn 2019.

Pli blers lufs, pli gronds trieps, pli bleras nursas stgarpadas, pli bleras persunas ch'han vesì il luf, pli blers accidents da traffic – ils lufs han procurà per bleras lingias grassas il 2019.

  • Gia il schaner han indigens observà a Falera in triep da sis lufs. Suenter han ins adina puspè vesì singuls animals en il conturn.
  • Las attatgas sin animals da niz han cumenzà il zercladur cura ch’in luf ha stgarpà 12 chauras a Präz. Las attatgas han cuntinuà durant la stad.

  • Suenter las emprimas attatgas dals lufs ha il chantun installà in sistem d’alarm. Cun quel vegnan infurmads purs, pasturs ed apiculturs ch'abitan en il conturn nua ch'i ha dà stgarps.

  • Durant la stad ha l'Uffizi chantunal da chatscha e pestga constatà dus ulteriurs trieps da lufs en Surselva. En tut datti ussa quatter trieps en il chantun Grischun: il triep dal Calanda, il triep enturn Falera, il triep dal Beverin ed il triep da Sursaissa.

  • Ils trieps creschan: quel en il conturn da Falera ha trais chagniels, il triep da Sursaissa medemamain ed il triep dal Beverin gist nov chagniels. Tar il triep dal Calanda n’hai quest onn betg dà chagniels.

  • Ils 4-10-2019 ha il chantun survegnì la lubientscha da l'Uffizi federal per la natira da sajettar quatter lufs giuvens dal triep dal Beverin. Enfin ils 25-11-2019 eran ils quatter lufs sajettads.

  • Durant il 2019 hai dà plirs accidents da traffic cun finiziun mortala per ils lufs.

RR actualitad

Artitgels legids il pli savens

Ir a sanester Ir a dretg