Siglir tar il cuntegn

Header

audio
Tujetsch: Samih Sawiris n'ha betg plans per ils indrizs militars sin l'Alpsu
Or da Actualitad dals 05.05.2021.
laschar ir. Durada: 01:17 minutas.
cuntegn

Alloschi militar sin l'Alpsu Samih Sawiris n'ha anc nagins plans concrets cun la cumpra

La Andermatt-Sedrun Sport SA da Samih Sawiris ha cumprà da la vischnanca da Tujetsch l'anteriura stalla da chavals da l'Armada svizra sin il pass Alpsu.

Tge intenziuns che l'interpresa turistica ha cun cumprar in anteriur bajetg da l'armada svizra ed il terren, saja anc avert. Quai ha ditg il pledader Stefan Kern. Probablamain veglian els nizzegiar bajetg e terren per in intent turistic. Sche quai saja lura in'ustaria, in alloschi u uschiglio insatge saja anc tut avert. Er il pretsch che l'interpresa ha pajà a la vischnanca per l'anteriura stalla da chavals sin il pass Alpsu resta secret. L'alloschi, che sa chatta sin passa 2'000 meters sur mar, ha ina surfatscha da var 1'190 meters quadrat.

Ils ulteriurs bajetgs en il conturn tutgan a l'Armada svizra. Eventualmain fissi quai lura er insacura in tema per l'Andermatt-Sedrun Sport SA da cumprar er quels, sche l'armada als vendess.

Il december 2019 era vegnì enconuschent, che Tujetsch haja cumprà l’anteriur alloschi da truppas da Armasuisse.

Lura aveva la vischnanca pajà 217'000 francs per ils stabiliments. L'alloschi sajan da quel temp vegnì cumprà per in intend turistic. Che Samih Sawiris e sias interpresas hajan er interess vi da l’object, era gia lura enconuschent.

RTR actualitad 17:00

Artitgels legids il pli savens

Scrollar a sanestra Scrollar a dretga