L'expertisa che l'Uniun Purila Sursilvana ha preschentà mesemna en connex cun la protecziun dals purs encunter ils lufs, vegn a midar pauc en la pratica giuridica. Tar quella conclusiun vegn il professer da dretg e docent a l'Universitad da Berna, Peter V. Kunz.
Emprova d'influenzar la politica
En sia analisa davart l'expertisa vegn il spezialist da dretg a la conclusiun, che quella haja nagina vigur sin la situaziun da dretg actuala en connex cun la protecziun dal luf. Tenor Peter Kunz emprova l’expertisa d’influenzar la politica en il chantun Grischun e quella a Berna. L’expertisa saja fitg partischanta, perquai ch’ella resguardia sulet ils dretgs d’economia e da possess stipulads en la Constituziun federala. La Constituziun federala regla dentant era la protecziun d’animals, quai che na vegnia insumma betg tractà en l'expertisa.
