Siglir tar il cuntegn

Header

cuntegn

Archiv cultural Tujetsch Anc mancan 350'000 francs per la construcziun

En Tujetsch sto la construcziun dal nov bajetg per l'Archiv cultural vegnir spustada sin l'onn che vegn. La raschun è ch'ins n'è anc betg vegnì ensemen cun ils radund 1,6 milliuns francs ch'i duvrass.

Al Forum cultural Tujetsch mancan anc radund 350'000 francs, sco quai che la suprastanza ha infurmà a la radunanza generala. Per ch'ins possia cumenzar cun la construcziun dal nov bajetg stoppia la finanziaziun dentant esser garantida cumplainamain. Quai saja la pretensiun da la vischnanca da Tujetsch e da las autras instituziuns che sustegnan il project. La suprastanza haja dentant sentì ch'i na saja betg uschè simpel da vegnir ensemen cun las finanzas necessarias. Blers hajan refusà in sustegn per il project da l'Archiv cultural.

Oriundamain avev'ins planisà ch'ins possia anc cumenzar quest onn cun las lavurs da contrucziun. Il Forum cultural Tujetsch ha pudì festivar il giubileum da 25 onns il december passà.

audio
Per tadlar: curt e cumpact
ord RTR Audio dals 24.01.2023.
laschar ir. Durada: 1 minuta 2 Secundas.

RTR novitads 06:00

Artitgels legids il pli savens

Scrollar a sanestra Scrollar a dretga