La realisaziun da la nova pendiculara en il territori da skis da Flem e Laax è in pass vinavant. La regenza grischuna ha approvà las revisiuns da la planisaziun locala, che las duas vischnancas avevan decidì il mars e zercladur da quest onn.
Planisada è ina pendiculara che maina senz'interrupziuns da Flem sur Foppa e Startgels sin il plaun da Segnas, e da là anc a Nagens Sura ed Ils Cugns. Las colliaziuns veglias vegnan bajegiadas enavos. Pertutgadas èn:
- Naraus – Cassons (gia allontanà il 2018)
- Foppa – Naraus (senza remplazzar)
- Flem – Foppa (vegn remplazzà)
- Startgels – Grauberg
