Siglir tar il cuntegn

Header

audio
Strategia dal project «Crap Sogn Gion»
Or da Actualitad dals 21.12.2022. Maletg: MAD
laschar ir. Durada: 3 minutas 14 Secundas.
cuntegn

Arena Alva La staziun dal Crap Sogn Gion duai vegnir sanada cumplettamain

Il president dal cussegl d'administraziun da l'Arena Alva, Reto Gurtner, ha infurmà la radunanza communala da Falera davart il project da sanar la staziun dil Crap Sogn Gion. La staziun da skis giascha sin il territori da Falera, uschia ch'el a prendì la chaschun d’infurmar la populaziun.

La staziun dal Crap Sogn Gion è vegnida veglia. Bajegiada l'onn 1968, ha ella anc in stgaudament dad ieli. L’infrastructura è creschida cun ils onns ed è daventada cumplitgada. Uschia è l’idea da dischlocar il restaurant da la tur pli damanaivel da las pendicularas. Er il transfer tranter las pendicularas duai ir pli svelt.

Tenor Reto Gurtner na vai dentant betg mo per sanar quest bajetg, mabain er dad esser innovativ ed in mussavia per projects futurs. Uschia lavura l’Arena Alva tranter auter era cun il Politecnicum da Losanna. In’idea èsi, da duvrar parts recicladas da mulins da vent. Quel fier vegl saja da buna qualitad ed è adattà per l’armadira.

Sco material da construcziun han las parts veglias da mulins da vent anc adina ina funcziun.
Autur: Reto Gurtner president dal cussegl d'administraziun da l'Arena Alva

Plinavant vul l’Arena Alva bajegiar cun material ch’è gia avant maun. Il cement per betunar stoppia vegnir purtà sin la muntogna. Ma las lavurs vi dal Flem Express hajan mussà ch’ins possia duvrar ina buna part dal material ch’è vegnì stgavà.

Tenor l’Arena vegn producì energia solara, avunda per radund 75% dal basegn dal bajetg. Plinavant vul l’interpresa reducir l’electricitad ed il diever d’aua egualmain per 75% dal diever mumentan. Ils custs da la sanaziun èn stimads sin 35 milliuns francs. La dumonda da bajegiar vegnia inoltrada la primavaira 2023. Sin l'enviern 2026/2027 duessan las lavurs esser finidas.

RTR actualitad 17:00

Artitgels legids il pli savens

Scrollar a sanestra Scrollar a dretga