Siglir tar il cuntegn

Header

La tabla dal pass Alpsura 2046 m.s.m
Legenda: Ils d'Ursera en vegni cun il tren el territori da skis da Sedrun. RTR, Linus Livers
cuntegn

Arena da las Alps Andermatt Sedrun be in quart da las frequenzas usitadas

Var 3000 persunas per di èn idas cun skis en il territori durant ils dis da festa. Quai è circa in quart da las frequenzas usitadas. Mancà han surtut er ils giasts dal di.

Var 3'000 persunas per di èn stadas a Sedrun Andermatt/Ursera sin skis durant ils dis da festa da Nadal. Quai è be ¼ da las frequenzas usitadas.

Ils giasts dal di nà dad Andermatt/Ursera hajan mancà, di Stefan Kern, il pledader da medias da la Arena da las Alps. Da quels 3'000 skiunzs sin las pistas da Sedrun èn var 500 vegnids cun il tren davent dad Andermatt sin l'Alpsu ed uschia en il territori da skis da Sedrun. Il viadi enavos han els era puspè stuì far cun il tren.

Sedrun/ Dieni

Las frequenzas a Dieni eran limitadas sin 4'000 e quellas èn cun 2'500 skiunzs betg vegnidas cuntanschidas. Ils davos onns ha l'Arena da las Alps dumbrà mintgamai var 12'000 skiunzs durant ils dis da festa. Cun avair avert mo la part da Sedrun è er mo circa in terz da las pendicularas da quest territori stà avert.

Ad Andermatt/Ursera spetgan ins cun tensiun la decisiun dal chantun Uri da forza tuttina dastgar avrir la vart da l'Uri sur Bumaun. Il Chantun Uri sa conferescha cun ils ulteriurs chantuns dalla Svizra Centrala en quella dumonda, ha communitgà il secretariat dal chantun Uri.

RTR novitads 17:00

Artitgels legids il pli savens

Scrollar a sanestra Scrollar a dretga