En lur posiziun beneventan las organisaziuns d'ambient da principi che las pendicularas veglias da Cassons, Flem-Foppa e Startgels-Grauberg vegnan allontanadas. La construcziun da las novas pendicularas Nagens- Hetta da Segnas, Hetta da Segnes- Ils Cugns ed il center da visitaders a Cugns refusan ellas dentant per il mument.
Exposiziun da cooperaziun ha purtà sis remartgas
Il president communal da Flem, Martin Hug, ha confermà envers RTR, ch’i haja dà en tut sis reacziuns entaifer l'exposiziun da cooperaziun ch'ha cuzzà enfin il 23 da mars 2021. Quellas n'hajan nagin'influenza sin sin la procedura da planisaziun. Las propostas fatgas vegnan tractadas da la suprastanza communala e tut tenor resguardadas en il messadi per la votaziun a l’urna. Quella ha lieu ils 13 da zercladur 2021.