Siglir tar il cuntegn

Header

audio
Alps protegiblas dal luf u betg: Criteris mancan
Or da Actualitad dals 01.07.2021.
laschar ir. Durada: 03:41 minutas.
cuntegn

Attatgas da lufs sin las alps «Ils lufs vegnan adina pli garmadis»

Ils davos onns gievi mintgamai circa in mais enfin che las emprimas attatgas da lufs succedivan sin las alps. Quest onn hai dà gist ils emprims dis suenter la chargiada tant a Claustra sco en la Val Medel attatgas da lufs sin muntaneras da nursas.

Las nursas a Claustra n’eran betg protegidas durant l’attatga dals lufs, quellas en la Val Medel bain. Ils lufs han emprais da surmuntar las mesiras da protecziun

Pussaivel da proteger u betg?

Quella dumonda è tenor il directur dal Plantahof, Peter Küchler, anc betg sclerida.

Nus vesain che la protecziun da las muntaneras vegn cun il medem engaschi adina pli flaivla, perquai ch’ils lufs che fan attatgas sin animals da chasa vegnan adina pli maligns per surmuntar questa protecziun. Independent, sche quai sa tracta da saivs electrifitgadas u chauns da protecziun.
Autur: Peter Küchlerdirectur dal Plantahof a Landquart

Uschia datti il mument nagins criteris per definir il status da las singulas alps. Il chantun Vallais che vuleva betg spetgar sin las directivas da la Confederaziun ha sez fatg quella valitaziun. La Confederaziun n’ha dentant betg acceptà quest agir. Dasper il status da las alps datti in ulteriur problem: Ils lufs s’endisan vid las mesiras da protecziun ed emprendan da surmuntar quellas.

video
Tge alps pon ins proteger dals lufs, tgeninas betg
Or da sil punct dals 30.06.2021.
laschar ir

RTR sil punct 17:40

Artitgels legids il pli savens

Scrollar a sanestra Scrollar a dretga