Siglir tar il cuntegn

Header

video
Hostel Aua Grava a Laax
Or da Telesguard dals 22.01.2021.
laschar ir. Durada: 2 minutas 28 Secundas.
cuntegn

Aua Grava & wellnessHostel In sguard en il nov albiert e bogn cuvert a Laax

Pernottar en il wellnessHostel 3000 a Laax è gia pussaivel dapi ils 18 da december 2020. E tgi che fa quai dastga entant gia duvrar il bogn cuvert, la zona da wellness sco er il restaurant. Giasts externs ston dentant anc spetgar fin il prim da mars – quai pervi da las mesiras da corona. Gia pudì dar in sguard en il bogn ed il wellnessHostel han quest venderdi ils represchentants da las medias.

Nov sectur da wellness

En la zona da bainesser che cumpiglia 1835 meters quadrat sa chatta il bogn cuvert renovà cumplettamain cun in batschigl da nudar da 25 meters ed in batschigl d'uffants cun ina ruschnera attractiva. Da nov cumpiglia il bogn er in grond sectur da wellness ed in center da fitness topequipà. Per recreaziun procuran ina sauna finlandaisa ed ina sauna d'ervas, in bogn da vapur, in batschigl d'aua chauda, diversas duschas da wellness ed ina curt interna illuminada da glisch dal di sco er ina stanza da ruassar cun ina fanestra panoramica.

158 letgs en 51 chombras

Il wellnessHostel3000 porscha a ses giasts en total 158 letgs en 51 chombras, tranter quellas chombras da sis cun duscha sin l'etascha, chombras da quatter e chombras da famiglia cun atgna duscha/tualetta sco era chombras dublas cun duscha/tualetta. En la chasa concepida tenor ils basegns da persunas cun impediments èn 16 chombras accessiblas senza obstachels.

RTR Telesguard 17:40

Artitgels legids il pli savens