Siglir tar il cuntegn

Header

audio
Mustér: Exposiziun da purtrets anc betg exponids d'augsegner Sieber
Or da Actualitad dals 16.04.2022.
abspielen. Laufzeit 3 minutas 29 Sekunden.
cuntegn

Aua Viva Maletgs da passiun da «Pfarrer Sieber»

Christoph Zingg il plevon da la plaiv evangelica Cadi è avant vegnir quest onn a Mustér, stà 11 onns schef da las ovras socialas da Pfarrer Sieber. Suenter blers discurs cun la famiglia haja el pudì persvader els d’exponer ils maletgs, ma els sajan fitg persunals ed in tschert diari da Sieber e surtut betg venals, di Christoph Zingg. Per blers era il plevon Ernst Sieber ina da las persunalitads enconuschentas ch’è s’engaschada per tut las persunas che duvravan ses agid. Quai eran surtut persunas a l'ur da la societad e savens era dependents da drogas. Sia forza ha el chattà en sia cardientscha tar Jesus. Pertge mintga uman saja in maletg da Jesus ed en mintga uman haja el vis Jesus, declera Christoph Zingg.

Maletgs en blau e mellen

Ils 13 maletgs exponids mussian la passiun da Jesus e quella haja adina fatschentà fitg Sieber, di Christoph Zingg. Quai mussian era ch’ils maletgs exponids che sajan vegnids malegiads l’emprim il 1950 e l’ultim il 2014, ma da las colurs e dal stil pudessan ils blers esser vegnids fatgs il medem temp. Ch’ils maletgs exponids mussian la passiun saja nagina casualitad. La mort da Jesus a la crusch per ils umans saja la motivaziun da l'engaschi per mintga uman e la finala saja la passiun era l’entschatta da tut, pertge ella mainia a la levada e lezza saja la basa da la cardientscha cristiana, declera Christoph Zingg.

Maletgs exponids fin a Tschuncaisma

L’exposiziun è uss da vesair 40 dis, fin a Tschuncaisma. Averta è l’exposiziun mintgamai il suentermezdi a partir da las 13:30. Sulet glindesdi e la gievgia saja serrà, ma ils ulteriurs dis possian ins guardar en, l’entrada è libra.  

RTR Ura culturala 11:00

Artitgels legids il pli savens

Scrollar a sanestra Scrollar a dretga