Siglir tar il cuntegn

Header

Navigaziun

cuntegn

Surselva Boldi – in cudesch d'uffants da Valeria Cathomen

Boldi è in panda che viva en in guaud tropic. In di entaupa el in auter panda, la Nia. El s’inamurescha e less scriver ina brev d’amur ad ella. Ma Boldi na sa betg pli co ins scriva. Per cletg chatta ina tschitta la schliaziun.

Il cudesch è scrit per uffants tranter 5 e 7 onns e sa basa sin la lavur da matura da Valeria Cathomen. Sco ella di, saja ella dentant era stada en scolina a Breil per sviluppar cun ils uffants in bun ed in nausch animal: Il bun è la tschitta ed il nausch ina serp. Per ella èsi sta cler ch’ella raquinta in'istorgia cun animals perquai ch’ella aveva gia gugent las fablas sco uffant.

Il panda ha adina fascinà mai, ed jau vuleva far attent ils uffants ch'i na dettia pli blers sin quest mund.

Lavur dad A fin Z

Valeria Cathomen ha 18 onns ed ha scrit il text en sursilvan e tudestg. Ella ha era creà las 12 illustraziuns cun colur dad ieli. Il cudesch ha 28 paginas, e la giuvna ha edì el en sia atgna chasa editura.

RR actualitad 08:00