Siglir tar il cuntegn

Header

audio
Clau Schlosser vul tuttina restar president communal
Or da Actualitad dals 23.04.2021.
laschar ir. Durada: 01:38 minutas.
cuntegn

Breil Clau Schlosser è tuttina pront da restar en uffizi

Clau Schlosser candidescha danovamain per il presidi da la vischnanca da Breil. Sco la cumissiun da quint e gestiun da la vischnanca communitgescha en il «Fegl uffizial Surselva», stettia il president actual a disposiziun per l'elecziun che vegn fatga ils 13 da zercladur. Las elecziuns èn per la perioda d’uffizi 2022-2025.

I dovra pli ditg, che quai ch'jau hai pensà, sur tut ina fusiun dovra temp. I fiss betg prudent da bandunar ussa questa suprastanza che ha lavurà intensiv vid questa fusiun.
Autur: Clau Schlosserpresident vischnanca Breil

L'entschatta mars aveva la vischnanca da Breil anc annunzià che Schlosser chalia ed el sez aveva ditg ad RTR, che suenter 9 onns en cussegl da vischnanca, 6 onns en suprastanza e 6 onns president communal bastia quai.

Corona

Strusch che Clau Schlosser ha gì communitgà ch'el vegnì a sa retrair, è el vegnì testà positiv sin corona. In dir mais ha cumenzà per el ed el è stà leds dad avair fatg il pass da sa retrair.

Ussa dentant, intgins mais suenter, ha la cumissiun da quint e gestiun pudì persvader el da midar opiniun.

RTR novitads 06:00

Artitgels legids il pli savens

Scrollar a sanestra Scrollar a dretga