Las pendicularas investeschan quels daners en il rom d'investiziuns da radund 4,5 milliuns francs en l'infrastructura, tranter auter en la gastronomia. Las votantas ed ils votants suondan cun quai ad ina proposta da la suprastanza da la vischnanca (113 persuenter, 5 encunter).
Preventiv 2023
La suprastanza ha plinavant preschentà il preventiv per l'onn 2023. Quel quinta cun in gudogn da var 1,8 milliuns. Quai tar entradas da bunamain 16 milliuns francs ed expensas da bundant 14 milliuns francs. La radunanza communala ha acceptà quels plans. Ella ha er decis da laschar il pe da taglia sin 90% da la taglia chantunala.
Era approva la radunanza communala in credit supplementar dad 1,8 milliuns francs per ina meglieraziun funsila a Vuorz.
