La regenza ha concedì ina contribuziun chantunala da 105'000 francs per in project digital en connex cun ils campiunadis mundials da cursa d'orientaziun che han lieu l’onn che vegn a Flem e Laax. La contribuziun vegn duvrada per il svilup dad in'app che cuntegna in servetsch da resultats, in program d’occurrenzas ed infurmaziuns davart ils atlets ed atletas.
L’entir project digital è budgetà cun radund 300'000 francs. Sco che la regenza scriva en in communicaziun, duai l'applicaziun star a disposiziun e vegnir administrada er suenter ils campiunadis mundials sco portal d'access per il sport da cursa d'orientaziun en Svizra.
Ils campiunadis mundials da cursa d'orientaziun han lieu dals 11 fin ils 16 da fanadur 2023.
