Siglir tar il cuntegn

Header

video
Lavurs vi dal Center Fontauna progredeschan
Or da Telesguard dals 19.01.2023.
laschar ir. Durada: 2 minutas 6 Secundas.
cuntegn

Center Fontauna Mustér Las lavurs grondas da construcziun èn quasi finidas

Las lavurs vi da l’entrada nova dal Center Fontauna èn las pli visiblas cura ch’ins passa dasper il plazzal grond. La stad passada èn las lavurs grondas vegnidas fatgas ed uss sto tut vegnir fatg endadens. Ils responsabels èn cuntents cun il progress e quintan da pudair avrir la cafeteria nova, che duai era anc survegnir in nov num, l’entschatta da fanadur. Er duain fin lura esser finidas las localitads da fitness e polisportivas en il plaun terren.

audio
Il stan da las lavurs vi dal Center Fontauna
ord Actualitad dals 19.01.2023. Maletg: RTR, Gionduri Maissen
laschar ir. Durada: 3 minutas 56 Secundas.

 Dapli fotovoltaica

Las ovras fotovoltaicas vegnan er installadas per gronda part quest onn. Uschia èsi previs da cuvrir tut ils tetgs cun panels solars installads direct en il tetg e supplementar anc vi da la fatschada sid da la halla da tennis, declera Clemens Berther, il president da la cumissiun da manaschi e construcziun dal Center Fontauna. Il prim dretg da retrair energia haja il Center Fontauna, ma els vegnian a producir bler dapli energia ch’e quai che vegn duvrà, ulteriura energia vegn vendida tras la Repower che construescha l’entira ovra fotovoltaica. Suenter 20 onns vegn quella en possess da la vischnanca.

Dapli per sport da Freestyle

Ina nova purschida supplementara, che sto almain anc vegnir approvada dal cussegl da vischnanca, duai dar per las amaturas ed ils amaturs da Freestyle. Uschia è planisà in «Pump-parc» sur las plazzas da tennis, gist en la vischinanza da la plazza da gieus. Ils custs supplementars na vegnan betg quintads cun il budget dal Center Fontauna e resultan a 165’000 francs. Fin uss èn vegnidas fatgas lavurs per radund 3,7 milliuns francs e surdadas èn gia lavurs d’ina summa da radund 7,5 milliuns francs, di Clemens Berther. En tut custa la sanaziun 10,7 milliuns e fin il fanadur 2024 duai tut esser finì. La festa d’inauguraziun è previsa per ils 24 d’avust 2024.

RTR actualitad 12:00

Artitgels legids il pli savens

Scrollar a sanestra Scrollar a dretga