Dasper Andrea Candinas-Lechmann ch’è engaschada dapi il 2022 en la direcziun da la chasa d’attempads fan uss Petra Deflorin da Trun, oriunda da Segnas, Ignazia Graf-Giger ch’è creschida si a Medel e Surrein e Ruth Camenisch part da la direcziun. Petra Deflorin ed Ignazia Graf-Giger han gronda experientscha en la tgira ed èn stadas engaschadas tranter auter en la chasa d’attempads a Trun ed en l’Ospital chantunal a Cuira. Ruth Camnenisch ha gronda experientscha en la gestiun d’instituziuns. Ella cumenza sia incumbensa per l’entschatta avrigl.
Sco il cussegl da fundaziun ha laschà savair sajan els persvas d’avair chattà persunas qualifitgadas ed adattadas per dar dumogn a las sfidas dal mintgadi sco er a las sfidas che spetgan.
Al cumenzament da la stad passada aveva il cussegl da fundaziun relaschà duas da las trais manadras che furmavan la direcziun. La raschun eran stads svaris en la direcziun da la chasa.
