Avant plirs onns èn Andi e Corina Sprecher-Brunner sa decidids da crear ina dimora per chavals vegls sin lur bain puril – quai ch’è in model da business fitg rar en Svizra. Possessurs da chavals tut enturn la Svizra portan lur chavals a Valendau nua ch’els pon restar là uschè ditg ch’els èn sauns.
Valita emoziunala
Ils motivs per far quai èn multifars. Surtut sa tracti da chavals da sport/cursa ch’èn memia vegls per far part a las concurrenzas. Damai ch’ils possessurs han ina ferma colliaziun cun l’animal decidan da betg mazzar il chaval, mabain da dar el en la tgira a Valendau. La dimora per il chavals custa fin 400 francs per mais.
In chaun ch’ins charezza na dattan ins insacura era betg a la mazlaria. Uschia èsi era tar il chaval – quel è simplamain in zichel pli gronds.
Il bain puril ha anc autras funcziuns. Chavals ubain auters animals ch’èn vegnids maltractads d’anteriurs possessurs sa tschentan qua grazia ad ina fundaziun che spendra animals. La dimora da lez animals vegnan surprendì da la fundaziun. Savens han tals animals pers la confidenza en il carstgaun, uschia ch’igl è là impurtant ch’ils s’avischinan puspè a l’uman.
