Siglir tar il cuntegn

Header

xxx_carta
Legenda: MAD
cuntegn

Chatscha da lajetg En la vischinanza dals vitgs tabu

La chatscha da lajetg è probabel la pli nunenconuschenta chatscha en il chantun Grischun. Ella cuzza dal 1. da november enfin il davos da favrer. Durant la notg emprovan ils chatschaders da sajettar fiergnas, tais ed vulps.

Chatscha da vulps vegn restrenschida

Cun metter estga emprovan ils chatschaders da carmalar las vulps avant lur chamonettas da lajetg per uschia savair sajettar ellas. En territoris nua ch’i ha lufs vegnan quels attents sin il pavel destinà per las vulps e tschertgan quel. Cun il scumond vul la surveglianza da chatscha impedir ch'ils lufs vegnan carmalads en ils vitgs.

La zona da scumond da pavlar las vulps e da tschentar chamonas da lajetg vegn definida da cas tar cas. Sco norma vala ina distanza da 200 meters dals vitgs.

Prest en l'entir Grischun

Il mument pertutgan ils scumonds cunzunt la Surselva, il territori enturn Haldenstein, parts da la Muntogna ed era la Val Alvra. L'uffizi da chatscha e pestga quinta che cun il svilup dals lufs savess quai scumond en paucs onns esser valaivel en l'entir chantun Grischun.

Inqual chatschader ha stuì allontanar sia chamona da lajetg nua ch’el gieva gia blers onns cun success sin la chatscha da lajetg. Quai ha schon dà reacziuns. Per il pli han ils blers dentant gì chapientscha per las mesiras
Autur: Thomas Durscheisurvegliader da chatscha

RTR actualitad 08:00

Artitgels legids il pli savens

Scrollar a sanestra Scrollar a dretga