Sco il comité d'organisaziun ha communitgà, saja la situaziun cun la pandemia il mument memia malsegira per pudair far plans. Gist las mesiras che vegnian per part decididas a curta vista dal chantun e la Confederaziun, na lubeschian strusch da planisar.
Bleras persunas e firmas han per il mument auters quitads che da s'annunziar per l'ILHGA l'october.
Quest quità saja er sa confermà cura ch'ins haja dumandà divers expositurs. Cun desdir la ILHGA per quest onn vul il comité d'organisaziun agir en il senn dals visitaders e dals expositurs e garantir in success per la proxima ediziun.
En avegnir duai la ILHGA puspè avair lieu en il ritmus da quatter onns usità – pia il 2024. En vista a la EX Mustér e ch'ins vul pigliar resguard sin lezza, na vulan ins betg spustar l'exposiziun sin proxim atun, mabain lura gist puspè cuntinuar en il ritmus.
Ord l'archiv:
Il 2012 ha RTR rapportà live da l'exposiziun a Glion.