Oz a bun'ura è la via chantunala tranter Mustér e Curaglia vegnida serrada pervi d'ina crudada da crappa. Radund 400 meters cubic crappa èn crudads sin la via. Gia il suentermezdi è vegnì enconuschent che la via duai vegnir averta questa saira almain sur in vial. Quai ha confermà l'uffizi da construcziun bassa envers RTR.
Gia l'avust aveva ina crudada da crappa bloccà il traject. Quai però betg en il medem lieu.
RR novitads 09:00