Gieri Maissen ch'ha organisà quels concerts ha ussa stuì annullar els. Igl haja tutgà els en il cor, di Gieri Maissen, medi e musicist da Trun.
Ins haja anc ponderà alternativas, ma la finala hajan ins stuì sa decider cunter ils concerts da la fin d'emna. Er ina dumonda per in'excepziun n'haja naginas grondas schanzas, di l'organisatur.
L'organisatur emprova uss da spustar ils concerts sin l'enviern e spera che la situaziun saja lura in pau pli ruassaivla.
